濕疹纏身好煩惱？
濕疹係香港好常見嘅皮膚問題，每逢轉天氣、壓力大，皮膚就容易出現紅腫、痕癢，嚴重時甚至影響睡眠同日常生活。唔少荃灣街坊都深受濕疹困擾，成日問：「濕疹可唔可以徹底好返？」喺中醫角度，濕疹唔單止係皮膚表面嘅問題，仲同身體內在嘅平衡狀態有關。
今次我哋睦鄰醫舍同大家分享中醫對濕疹嘅理解，同埋日常可以點樣護理，幫助身體逐步改善。
睦鄰醫舍位於荃灣南豐中心15樓1522室，專注提供中醫皮膚科等多元服務。如果你或屋企人有濕疹煩惱，歡迎預約諮詢。
中醫點樣理解濕疹？
中醫稱濕疹為「濕瘡」、「浸淫瘡」，認為發病同先天體質有關，亦同飲食唔節制、損傷脾胃有好大關係。
脾胃負責運化身體入面嘅水濕，一旦功能失調，身體入面就會積聚濕氣。再加埋外感風、濕、熱邪，特別係香港潮濕悶熱嘅天氣，內外夾擊下就會發為濕疹。
用中醫嘅講法，就係「有諸內者必形於外」— 皮膚嘅問題，往往反映緊身體內在嘅失衡。所以中醫治療濕疹，唔會剩係「頭痛醫頭」，而係會根據個人體質嚟標本同治，內外兼顧。
濕疹分類
濕疹表現方式多樣，中醫會從 病程階段 + 體質證型 + 部位辨證 3個層面分析濕疹，對症下藥先有效！
早前有位病人內服中藥，6日後濕疹情況明顯改善 — 痕癢減少、水泡收乾 。
按病程階段分類
🟡 急性期
- 皮膚潮紅灼熱、密集水泡、痕癢劇烈，搲抓後會滲水糜爛
➡️ 多屬「濕熱浸淫證」，治療以清熱利濕為主
🥗 飲食：清淡，戒辛辣煎炸海鮮
🟠 亞急性期
- 皮膚紅腫滲水減少、有鱗屑結痂、皮膚開始粗糙
➡️ 多屬「脾虛濕蘊證」，治療以健脾利濕為主
🥗 飲食：戒凍飲生冷，食山藥薏米
🔴 慢性期
- 皮膚粗糙增厚、色素沉着、紋理似苔蘚，夜晚或緊張時特別痕
➡️ 多屬「血虛風燥證」，治療以養血潤膚、祛風止癢為主🥗 飲食：加強保濕，食黑芝麻紅棗
如果你而家有濕疹，試吓用呢3條問題自我分析，可以幫你更清晰咁同醫師溝通，唔會淨係識得講 「我好痕」 三個字！
1️⃣ 你而家嘅皮膚狀態係？
A. 潮紅灼熱／出水泡／搲抓後滲水糜爛（急性）
B. 紅腫滲水減少／甩皮／結痂（亞急性）
C. 色素沉着／粗糙乾厚（慢性）
2️⃣ 你有冇特定嘅體質傾向？
A. 怕凍 B. 怕熱 C. 易肚脹 D. 壓力大就爆
3️⃣ 你濕疹最嚴重嘅位置喺邊度？
A. 耳仔 B. 肚臍 C. 手指D. 陰部 E. 脅肋 F. 足部
濕疹位置都有提示㗎！
耳仔／脅肋 → 肝膽｜肚臍 → 脾胃｜
手指 → 肺脾｜陰部 → 肝經｜足部 → 脾腎
中醫怎樣治療濕疹？
睦鄰醫舍提供 個人化綜合治療方案，註冊中醫師會按你的體質和病情對症下藥！
常見治療濕疹方法包括：
🟡 內服中藥
按辨證結果處方，可選即沖顆粒或代煎。透過調理體質、清除濕熱，從根本改善皮膚。
🟠 針灸治療
常用穴位：曲池、血海、足三里、三陰交。有助疏通經絡、調和氣血、祛風止癢。
🔴 中藥外洗
用馬齒莧、黃柏、苦參等煎水外洗或濕敷，針對局部清熱燥濕、收斂止癢。
🟢 耳穴貼壓
刺激耳部對應穴位，輔助調理身體狀態。
提提你： 以上治療須由註冊中醫師評估後進行，切勿自行嘗試。
濕疹日常護理建議：由生活細節著手
要穩定濕疹，治療同日常護理同樣重要。
以下幾點供香港有濕疹煩惱的朋友參考：
1. 飲食戒口要留神
濕疹患者可以留意自己對某類食物嘅反應，一般建議減少進食以下幾類食物：
蝦、蟹等海產要少食。牛肉、羊肉呢啲溫補類肉食都要注意。辛辣、煎炸、油膩嘅食物盡量避免。凍飲同生冷食物最好戒咗佢。芒果、菠蘿呢類水果都要小心。
不過每個人的體質唔同，對食物嘅反應都唔一樣，建議自行觀察之後再諮詢中醫師嘅專業意見。
2. 皮膚保濕好重要
保持皮膚滋潤有助維護皮膚屏障功能，呢點係抗敏嘅關鍵。
揀選成分溫和、無香料嘅潤膚產品，最好係乳霜或者油膏嗰類。沖涼之後喺皮膚仲帶微濕嘅時候搽上，可以鎖住水分。
沖涼嗰陣水溫最好維持喺大約37度，唔好用太熱嘅水，都要避免用刺激性強嘅清潔用品。
3. 生活習慣要貼地
衣著方面，揀純棉、透氣、吸汗嘅衣物，可以減少皮膚摩擦。
作息要定時，保持充足睡眠，避免長期捱夜，因為睡眠不足會削弱免疫力。
情緒方面，要學識放鬆，因為精神緊張會令身體「化燥生風」，痕癢會更加嚴重。
提提你：以上內容為中醫健康資訊分享，每個人的體質同病情都唔同。如果你正受濕疹困擾，想了解邊種治療方案最啱你，歡迎WhatsApp 9280 0766 預約諮詢！
睦鄰醫舍 - 荃灣中醫診所
📍 荃灣南豐中心15樓1522室
⏰ 星期一至六 10:00-20:00（公眾假期除外）
📱 IG：@neighborly.cmc｜FB：睦鄰醫舍